Félag Íslenskra Læknanema í Danmörku - FÍLD - www.fild.dk

Loksins er kominn upp ný heimasíða fyrir Félag Íslenskra Læknanema í Danmörku. Gamla heimasíðan okkar datt niður fyrir löngu og ekki tókst að bjarga henni, c´est la vie =)

En það tókst að endurvekja allra fyrstu heimasíðuna okkar öllum til mikillar gleði. Nýja heimasíðan er ekki ennþá fullkláruð en nú þegar finnast ýmsar hagnýtar upplýsingar. Það er verið að vinna hörðum höndum að bæta innihald hennar og svo í framtíðinni ef stefnan að hafa upplýsingar um allt sem tengist læknisfræðinni í Danmörku. Sérstaklega verður hægt að finna upplýsingar um umsóknarferlið fyrir Íslendinga sem hafa áhuga á læknisfræðinni í Danmörku, skólanna þrjá sem hægt er að hefja læknanámið í DK og eiginlega allt annað sem okkur dettur í hug =)

Nýja heimasíðan er -> www.fild.dk

Klisjur

Í kvöld var myndin Alien vs. Predator sýnd í sjónvarpinu og við áhorf á henni með öðru auganu var ég áminntur enn og aftur á það hvað hollywood framleiðendur eru gjörsamlega blindir gagnvart þessum (sínum eigin) klisjum sem virðist vera svo óendanlega erfitt að losna við úr kvikmyndum.

Tökum þessa mynd bara sem dæmi. Í raun erum við með gæðaefni til að vinna með í því skyni að gera góða spennu/stráka/geim/skrímsla-mynd. Við erum með tvær af þekktustu og vinsælustu geimverum sem hafa verið kynntar hingað til í kvikmyndum. Samtals 6 kvikmyndir hafa áður verið gerðar með þeim, sérstaklega hafa Alien myndirnar verið vinsælar en Predator myndirnar hafa frekar öðlast svona örlítin „költ“ status frekar en að vera almennt vinsælar. Einnig hafa verið gerðir tveir tölvuleikir (Alien vs. Predator 1 & 2) þar sem þessum geimverum plús heppnum hermönnum hafa verið splæst saman í einhvern aktion pakka.

Það var eftir útgáfu tölvuleikjanna sem 1. kvikmyndin kom út og þess vegna bjóst ég við andrúmslofti sem líktist þeim meira...bara ef það hefði verið svo, myndirnar tvær hefðu orðið svo miklu betri.

En „pointið“ er að margt af efninu var búið að kynna og margir könnuðust við, það þýðir að hellingur af kynningarvinnu væri búið að vinna fyrir mann ásamt búið að koma upp fullt af aðdáendum. Þetta á ekki að geta klikkað, sem framleiðandi ertu með allt sem þú þarft til að gera frábæra kvikmynd. Bæði til að græða pening, gera frábæra kvikmynd, frama þínu orðspori og fyrirtækisins og bara reyna gera eitthvað virkilega frumlegt og flott!

En hvað gerist?

Handritið er minna virði en restin af klósettpappírsrúllunni minni, persónusköpunin er álíka djúp og í leikriti í 7. bekk og ógeðis klisjur koma oftar fyrir en ölvunarakstur hjá Robert Downie Junior. Hvað er málið að gellan og Predatorinn bonda í myndinni? Ég hélt að ég ætlaði að æla þegar þau tvö hlupu hlið við hlið í dramantísku slow motion atriði. Bara ef ég væri ekki svona mikill fan af þessu helvíti...þá hefði ég ekki horft á þetta :)

Af hverju er svona erfitt að skapa frumlega, flotta og tímalausa mynd? Af hverju þarf góði gæinn alltaf að vinna?

Auðvitað er það útaf því að framleiðendurnir hugsa aðeins útfrá peningum og vilja bara gera myndir útfrá reynsluformúlu sem skilar oftast gróða. En djöfull er það pirrandi.

Sjáið The Usual Suspects. Ein af þeim fáum myndum sem vondi gæinn vinnur sem mér dettur í hug en á sama tíma er þetta ein sú besta mynd sem hefur verið gefið út og flestir kannast við. Þessi hollywood formúla er ekki eina leiðin, það er búið að sýna fram á það!

Pirr pirr...

Laugardagsbjórinn

Laugardagsbjórinn opnaður og rólegt kvöld framundan.

Hvað ætli ég geti bloggað lengi áður en einhver fatti að ég er byrjaður aftur?

Bloggedíblogg

Nú hef ég ekki bloggað í ár og aldir.

Ég enda alltaf í svona sumarpásum í blogginu og það tekur alltaf smá tíma að finna andann aftur og það tekur oft mislangan tíma. Núna er ég loksins að finna hann aftur, eða a.m.k. lystina til að blogga sem ég tel vera mikilvægast.

Það er mikið búið að fara í taugarnar á mér síðustu vikum þegar maður les hvað er að gerast í heiminum. Ísrael heldur áfram í ruglinu og enginn gerir neitt við því nema gefa út örlitlar yfirlýsingar sem skipta engu máli, kreppan nauðgar okkur áfram á óheilögum stöðum og svo mætti lengi áfram telja.

Mér fannst frábært að Obama vann í BNA, ég fylgdist með kosningabaráttunni og ég hélt sjálfur að BNA voru ekki tilbúin fyrir svartan forseta, en mikið var ég glaður að hafa rangt fyrir mér þar. Ég skildi samt aldrei af hverju McCain fékk svona mikið fylgi. Hann var alltof gamall og mér fannst hann ekki koma vel út í viðtölum, hann var ekki að hugsa sjálfsstætt heldur að segja það sem fólk bjóst við að heyra (t.d. fólkið bakvið hann með peninganna). Svo var kosningabaráttan hans einsog rússíbani sem endaði úti í skurð með því að velja Palin og taka Joe the plumber að sér. Mér finnst bara ótrúlegt hvað hann fékk mörg atvæði og ég veit ekki alveg hvernig ég á að túlka það.

Er svona rosalega mikið af hálfvitum þarna með kosningarétt? Er stjórn sem væri kosin af hálfvitum ekki hálfvitar líka? Sjá t.d. síðustu átta ár þarna úti. Talandi um það þá er ég svo feginn að Bush er farinn. Ég er ennþá að reyna skilja það hvernig hann náði að vera kosinn annað kjörtímabil, kaldhæðni örlaganna er það besta sem mér dettur í hug.

Held að ég haldi áfram með bjórinn minn á þessu föstudagskvöldi, bið að heilsa í sinni og takk fyrir lesturinn ef það er einhvern sem les þetta lengur :)

Nothing

Djöfull er þetta pirrandi video hérna að neðan, það vill ekki halda sér í réttri stærð...greinlega með eitthvað mikilmennskubrjálæði.

Þess vegna ætla ég að ýta því niður með því að skrifa þetta bull hérna.

































































































Þetta er örugglega eitt það besta blogg hjá mér til þessa :)

Heimsmet? Nei!

Okay, gaurinn ætlar að setja heimsmet í að brjóta kókoshnetur með hendinni á sér en það gengur ekki alveg einsog hann hafði hugsað það. Þetta er klassík.

In your face!

Mjög truflað lið

Spurning

Þegar Bruce Banner breytist í The Hulk af hverju rifna öll fötin af honum nema buxurnar?

Home sweet home

Soldið tættur eftir prófin en nú er ég á leiðinni heim. Kem heim á miðvikudaginn, újéé!

Hlakka til að sjá í alla í sumar, over and out.

Og já...þetta er ekki ísbjörn á myndinni.

Beint frá Mars

Alvöru mynd tekin frá Mars...hversu flott er þetta? (Klikka á mynd til að sjá aðeins stærri og flottari útgáfu)

Hvar varst þú og hvað varst þú að gera þegar þessi mynd er tekin? Mynd tekin 3. okt 2007.

(Mynd tekin með "Mars Reconnaissance Orbiter", takk NASA!)

Klassík

Takið eftir því hversu fallega

Talandi um off the chart!

Ofnæmi er algjör djöfull.

Það kom mér á óvart í morgun þegar ég vaknaði hvað ofnæmið var að pirra mig óvenjulega mikið...en það var strax augljóst þegar ég sá frjókornatölur dagsins.

Er ekki verið að grínast eða!

2 spurningar

1. Af hverju þegar maður er að fletta í textavarpinu, byrjar leitin ótrúlega oft á tölu rétt á eftir þeirri síðu sem maður hefur áhuga á og verður að bíða eftir að kerfið keyrir heila andskotans hring?
   
   
2. Af hverju heldur sumt fólk að maður þurfi að tala mun hærra í síma en maður gerir venjulega til þess að manneskjan í símanum heyrir í manni?

Hot hot hot

Of mikill hiti er ekki fyrir mig...ég er Íslendingur og þoli ekki mikinn hita.

Í dag er búið að vera svo heitt að:

• Allir gluggar eru búnir að vera opnir í allan dag.
• Frá klukkan 15-18 var ég eingöngu í nærbuxum vegna hita.
• Reyndi ýmsar aðferðir til að reyna kæla íbúðina, m.a. að hafa viftuna fyrir ofan eldavélina í gangi.
• Var næstum búinn að hafa ískápinn opinn til að kæla loftin niður.
• Klukkan er nú að verða eitt eftir miðnætti og allir gluggar eru ennþá opnir. Virkar ekki.
  

En þrátt fyrir allt þetta og ýmsar fleiri tilraunir hefur fátt virkað, loftið neitar einfaldlega að bærast.

Það boðar nú ekki góða hluti þar sem próflestur er að byrja. Hlakka ekki til að sitja í svitapolli yfir bókunum og reyna einbeita mér.

Ég get eingöngu hlakkað til að koma heim í sumar til Íslands þar sem það er líft fyrir manneskju eins og mig.

Svangur?

Ég mætti manni áðan á leiðinni út í búð og ég held að hann var sárasvangur!

Hann var rétt svo kominn 10 m út úr búðinni og hann var búinn að rífa upp pylsupakka og var svoleiðis að sporðrenna einni pylsu. Kæmi mér ekki á óvart þótt fleiri fengu að fara sömu leið á leiðinni heim.

Hversu svangur þarf maður eiginlega að vera hugsaði ég.

EM-leikur Leiknis

Vil minna fólk á hinn frábæra EM-leik Leiknis.

Þetta er mjög einfaldur en um senn mjög skemmtilegur leikur. Þetta er einfaldlega eitt excel skjal sem er hlaðið niður sem er búið að setja upp fyrir þig á allan hátt.

Það eina sem maður þarf að gera er að fylla út úrslitin sem maður spáir fyrir og skjalið gerir rest. Það setur upp lokaniðurstöðu í riðlunum og hvaða lið komast áfram í úrslit þar sem maður heldur áfram að spá. Þannig gengur þetta alveg fram að úrslitaleik.

Gefin eru stig bæði fyrir að giska á rétt úrslit, rétta markatölu og fyrir hvert lið sem kemst áfram í úrslit.

Mæli með því að allir sæki skjalið og geri sína eigin spá. Ef fólk vill ekki taka þátt hjá Leikni þá er skemmtileg hugmynd að skora á vinina í keppni eða bara halda keppni við sjálfan sig. Ég minni samt nú á að stærsti potturinn er hjá Leikni, þannig að ef maður heldur að sú spá sem maður er kominn með muni rætast þá er ekki spurning um að taka þátt.

Skjalið er hægt að sækja hér:

http://leiknir.com/default.asp?op=frettir&sop=einfrett&frett=3635

Hvar er Valli?

Ég póstaði þessa mynd eftir London ferðina í fyrra en langar að pósta hana aftur.

Þetta er s.s. mynd af honum Valla, sem er flatfiskur, og er að fela sig í sandinum...spurningin er hvort þú getur fundið hann?

Og fiskurinn uppi í horninu er ekki Valli :)

Vanhæfir

Mér finnst ótrúlegt að vera búinn að fylgjast með í fréttum hvernig "stjórnvöld" í Búrma (ég segi Búrma viljandi) eru búin að bregðast við eftir fellibylinn fyrir ca. tveimur vikum. Sérstaklega hvernig þeir bregðast við alþjóðlegri aðstoð.

Maður getur ekki annað en að finna fyrir reiði og skilningarleysi þegar maður sér hvernig þeir neita lífsnauðsynlegri aðstoð fyrir milljónir dag eftir dag útaf pólitískum ástæðum.

Ég veit ekki einu sinni hvað á að skrifa meira um þetta.

Verkleg microbiologi framhald

Sýnin komin úr ræktun og búið að skoða þær vel og lengi, lita og sett undir smásjá.

Það var tvennt sem mér fannst fyndið í tímanum í dag.

Það fyrsta var að endaþarms-strokusýnin sem flestar stelpurnar tóku komu út eins og venjulegt húðstrokusýni, ekki af því að þeirra afturendi er svona tandurhreinn, heldur útaf því að stelpugreyin voru eitthvað feimnar við að taka almennilegt sýni. Litlu teprurnar, þar var nú lagt mikið á þær í gær. En strákarnir voru greinilega ekkert að hika í sýnistökunum og komu þau sýni mjög vel út :)

Það seinna var að það uppgvötaðist E. Coli bakteríur (saurgerlar) í nasastroku hjá einum stráknum. Hann varð eins og epli í framan og sór að hann hafði tekið þetta sýni áður en hann tók endaþarmssýnið. En kennarinn hló eftir smá stund (samt nógu langa til að pína aumingja strákinn aðeins) og sagði að þetta kæmi ekkert á óvart og að hann þyrfti ekkert að hafa áhyggjur af þessu. Þessar bakteríur geta lifað á ótrúlegustu stöðum og fólk er með mismunandi örveruflóru.

Því miður Eva þá komu ekki upp nein klamidíutilfelli í dag...enda er chlamydia intracellulært parasit og er ekki hægt að rækta á agarplötum, varstu nokkuð búin að gleyma því hurrhurr ;)