Nothing

Djöfull er þetta pirrandi video hérna að neðan, það vill ekki halda sér í réttri stærð...greinlega með eitthvað mikilmennskubrjálæði.

Þess vegna ætla ég að ýta því niður með því að skrifa þetta bull hérna.

































































































Þetta er örugglega eitt það besta blogg hjá mér til þessa :)

Heimsmet? Nei!

Okay, gaurinn ætlar að setja heimsmet í að brjóta kókoshnetur með hendinni á sér en það gengur ekki alveg einsog hann hafði hugsað það. Þetta er klassík.

In your face!

Mjög truflað lið

Spurning

Þegar Bruce Banner breytist í The Hulk af hverju rifna öll fötin af honum nema buxurnar?

Home sweet home

Soldið tættur eftir prófin en nú er ég á leiðinni heim. Kem heim á miðvikudaginn, újéé!

Hlakka til að sjá í alla í sumar, over and out.

Og já...þetta er ekki ísbjörn á myndinni.

Beint frá Mars

Alvöru mynd tekin frá Mars...hversu flott er þetta? (Klikka á mynd til að sjá aðeins stærri og flottari útgáfu)

Hvar varst þú og hvað varst þú að gera þegar þessi mynd er tekin? Mynd tekin 3. okt 2007.

(Mynd tekin með "Mars Reconnaissance Orbiter", takk NASA!)

Klassík

Takið eftir því hversu fallega

Talandi um off the chart!

Ofnæmi er algjör djöfull.

Það kom mér á óvart í morgun þegar ég vaknaði hvað ofnæmið var að pirra mig óvenjulega mikið...en það var strax augljóst þegar ég sá frjókornatölur dagsins.

Er ekki verið að grínast eða!

2 spurningar

1. Af hverju þegar maður er að fletta í textavarpinu, byrjar leitin ótrúlega oft á tölu rétt á eftir þeirri síðu sem maður hefur áhuga á og verður að bíða eftir að kerfið keyrir heila andskotans hring?
   
   
2. Af hverju heldur sumt fólk að maður þurfi að tala mun hærra í síma en maður gerir venjulega til þess að manneskjan í símanum heyrir í manni?

Hot hot hot

Of mikill hiti er ekki fyrir mig...ég er Íslendingur og þoli ekki mikinn hita.

Í dag er búið að vera svo heitt að:

• Allir gluggar eru búnir að vera opnir í allan dag.
• Frá klukkan 15-18 var ég eingöngu í nærbuxum vegna hita.
• Reyndi ýmsar aðferðir til að reyna kæla íbúðina, m.a. að hafa viftuna fyrir ofan eldavélina í gangi.
• Var næstum búinn að hafa ískápinn opinn til að kæla loftin niður.
• Klukkan er nú að verða eitt eftir miðnætti og allir gluggar eru ennþá opnir. Virkar ekki.
  

En þrátt fyrir allt þetta og ýmsar fleiri tilraunir hefur fátt virkað, loftið neitar einfaldlega að bærast.

Það boðar nú ekki góða hluti þar sem próflestur er að byrja. Hlakka ekki til að sitja í svitapolli yfir bókunum og reyna einbeita mér.

Ég get eingöngu hlakkað til að koma heim í sumar til Íslands þar sem það er líft fyrir manneskju eins og mig.

Svangur?

Ég mætti manni áðan á leiðinni út í búð og ég held að hann var sárasvangur!

Hann var rétt svo kominn 10 m út úr búðinni og hann var búinn að rífa upp pylsupakka og var svoleiðis að sporðrenna einni pylsu. Kæmi mér ekki á óvart þótt fleiri fengu að fara sömu leið á leiðinni heim.

Hversu svangur þarf maður eiginlega að vera hugsaði ég.

EM-leikur Leiknis

Vil minna fólk á hinn frábæra EM-leik Leiknis.

Þetta er mjög einfaldur en um senn mjög skemmtilegur leikur. Þetta er einfaldlega eitt excel skjal sem er hlaðið niður sem er búið að setja upp fyrir þig á allan hátt.

Það eina sem maður þarf að gera er að fylla út úrslitin sem maður spáir fyrir og skjalið gerir rest. Það setur upp lokaniðurstöðu í riðlunum og hvaða lið komast áfram í úrslit þar sem maður heldur áfram að spá. Þannig gengur þetta alveg fram að úrslitaleik.

Gefin eru stig bæði fyrir að giska á rétt úrslit, rétta markatölu og fyrir hvert lið sem kemst áfram í úrslit.

Mæli með því að allir sæki skjalið og geri sína eigin spá. Ef fólk vill ekki taka þátt hjá Leikni þá er skemmtileg hugmynd að skora á vinina í keppni eða bara halda keppni við sjálfan sig. Ég minni samt nú á að stærsti potturinn er hjá Leikni, þannig að ef maður heldur að sú spá sem maður er kominn með muni rætast þá er ekki spurning um að taka þátt.

Skjalið er hægt að sækja hér:

http://leiknir.com/default.asp?op=frettir&sop=einfrett&frett=3635

Hvar er Valli?

Ég póstaði þessa mynd eftir London ferðina í fyrra en langar að pósta hana aftur.

Þetta er s.s. mynd af honum Valla, sem er flatfiskur, og er að fela sig í sandinum...spurningin er hvort þú getur fundið hann?

Og fiskurinn uppi í horninu er ekki Valli :)

Vanhæfir

Mér finnst ótrúlegt að vera búinn að fylgjast með í fréttum hvernig "stjórnvöld" í Búrma (ég segi Búrma viljandi) eru búin að bregðast við eftir fellibylinn fyrir ca. tveimur vikum. Sérstaklega hvernig þeir bregðast við alþjóðlegri aðstoð.

Maður getur ekki annað en að finna fyrir reiði og skilningarleysi þegar maður sér hvernig þeir neita lífsnauðsynlegri aðstoð fyrir milljónir dag eftir dag útaf pólitískum ástæðum.

Ég veit ekki einu sinni hvað á að skrifa meira um þetta.

Verkleg microbiologi framhald

Sýnin komin úr ræktun og búið að skoða þær vel og lengi, lita og sett undir smásjá.

Það var tvennt sem mér fannst fyndið í tímanum í dag.

Það fyrsta var að endaþarms-strokusýnin sem flestar stelpurnar tóku komu út eins og venjulegt húðstrokusýni, ekki af því að þeirra afturendi er svona tandurhreinn, heldur útaf því að stelpugreyin voru eitthvað feimnar við að taka almennilegt sýni. Litlu teprurnar, þar var nú lagt mikið á þær í gær. En strákarnir voru greinilega ekkert að hika í sýnistökunum og komu þau sýni mjög vel út :)

Það seinna var að það uppgvötaðist E. Coli bakteríur (saurgerlar) í nasastroku hjá einum stráknum. Hann varð eins og epli í framan og sór að hann hafði tekið þetta sýni áður en hann tók endaþarmssýnið. En kennarinn hló eftir smá stund (samt nógu langa til að pína aumingja strákinn aðeins) og sagði að þetta kæmi ekkert á óvart og að hann þyrfti ekkert að hafa áhyggjur af þessu. Þessar bakteríur geta lifað á ótrúlegustu stöðum og fólk er með mismunandi örveruflóru.

Því miður Eva þá komu ekki upp nein klamidíutilfelli í dag...enda er chlamydia intracellulært parasit og er ekki hægt að rækta á agarplötum, varstu nokkuð búin að gleyma því hurrhurr ;)

Setning vikunar

"Já og að lokum þarf einn úr hverjum hóp að taka strokusýni úr endaþarmi (sínum eigin) sem við skoðum síðan á morgun, eftir að hafa verið í ræktun yfir nóttina".

-Kennari í verklegri microbiologi.

Sól og blíða

Alltaf gaman á vorin hérna úti þegar sumarið er komið...sérstaklega þegar fer að líða á vorið og veðrið verður betra og betra, því þá verður einnig styttra og styttra í próf og því meira maður þarf að hanga inni á loftlausu bókasafni.

En í staðinn fyrir að væla eða skrifa eitthvað leiðinlegt ætla ég bara að henda inn þessari skemmtilegu mynd sem ég fann á netinu sem mér fannst mjög hnyttin.

(Tek það fram til öryggis að ég er ekki í samskonar hugleiðingum eins og myndin sýnir)

Hvernig á að leysa Rubik-cube á 6 sekúndum?

Frozen Grand Central

Önnur snilldarhugmynd til að rugla í fólki

Kommuævintýri

Í dag, var hópurinn minn, að fara yfir verkefnið okkar.

Við vorum 3 tíma að athuga málfræðina, og svoleiðis dót.

Af þeim, fóru 2 tímar, eingöngu að leiðrétta kommur,

Sumartími

Nú er nýbúið að skipta yfir á sumartíma hérna í DK sem þýðir að við erum núna 2 tímum á undan Íslandi. Á sunnudagsmorgun síðasta var s.s.klukkunni flýtt um eina klst.

Það kemur alltaf í fréttunum hérna úti umfjallanir um kosti og galla þess að vera standa í svona tímabreytingum.

Mér fannst mjög fyndið að lesa viðtal við eina konu sem er algjörlega á móti þessu. Hún sagðist vera fyrir miklum truflunum að missa heilan klukkutíma svona á sunnudegi, segir þetta trufla dagrytman hjá sér og segist eiga mjög erfitt með að ná góðum svefni eftir breytinguna. Sagðist hún vera alveg ónýt á mánudeginum í vinnunni, átti erfitt með að einbeita sér og náði sáralítið að koma vinnu frá sér. Einnig segir hún að síðast þegar svona breytingar voru þá tók hana 12 daga að jafna sig og ná sér á strik.

Ég segi nú bara hættu þessu helvítis væli! Þetta er einn klukkutíma sem við töpuðum og það á sunnudegi! Hvernig er hún eiginlega þegar hún ferðast...eyðileggst allt fríið hennar útaf jetlag eða forðast hún kannski að ferðast á milli tímabelta?

Ránsfaraldur

Fjórða ránið í Breiðholtinu á rétt rúmlega einni viku! Þetta er alveg ótrúlegt, á undan þessum ránum man ég varla eftir neinu einasta ráni í Breiðholtinu.

En það sem mér fannst merkilegt við síðasta ránið er að ca 20 mín eftir ránið er ræninginn handtekinn og 60 min eftir ránið eru peningarnir fundnir og málið upplýst.

Bara á Íslandi :)

Danskurinn skrýtinn

Dr. Slefan minnti mig á ansi góða frammistöðu í dönskunni "i den".

Til að gera langa sögu stutta þá var ég í sjoppu og ætlaði mér að kaupa ís....en fékk kók í staðinn.

Ég held því auðvitað fast fram að stelpan hafi verið eitthvað skrýtinn að ekki skilja mína frábæru dönsku.

En það er góð útskýring á þessu...getið þið fattað hvernig þessi misskilningur kom upp á teninginn?

Málsháttur ársins er...

Já páskaeggið var opnað áðan og það fyrsta sem ég gref alltaf eftir er málshátturinn góði. Þetta árið var hann:

„Enginn er of góður sjálfum sér að þjóna“

Hver var þinn?

PS. Ef þið lumið á góðum dönsku misskilningssögum þá megið þið endilega deila þeim í commentunum í færslunni hér að neðan.

Ég vona að þið öll njótið góðra páska.

Danska

Jafnvel eftir allan þennan tíma hérna í DK þá er ég ennþá að læra dönsku á næstum hverjum degi. Og ennþá gerist það að ég hef ekki hugmynd um hvað einhver Dani er að reyna segja við mig...sem er alltaf frekar vandræðalegt.

Þetta gerðist síðast fyrir mig í fyrradag. Ég var í bíó með foreldrum mínum sem eru í heimsókn yfir páskana. Þegar ég rétti stelpunni miðana til að rífa stubbinn brosir hún og segir við mig "Charlotte".

Og ég skil ekkert hvað hún er að meina, er hún að kynna sig? Er ég með miða á vitlausa mynd? Þannig að ég segi bara "eee hvad?". Hún bendir þá eitthvað fyrir aftan mig og segir aftur "Charlotte".... hvað í andskotanum getur hún verið að meina núna? Er hún að benda á vinkonu sína hana Karlottu? Af hverju er hún eiginlega að því? Af hverju getur hún ekki bara rifið miðana og brosað eða eitthvað?

Allavega þá kinka ég bara kolli eins og hálfviti og labba áfram og velti því fyrir mér hvað hún var að segja. Þá eins og oft í svona stöðum þá skildi ég loksins hvað hún var að meina. Það er ótrúlegt hvað maður þarf oft að melta orðin í svona skrýtnu tungumáli til að skilja hvað er verið að segja. Og það var síðan ofureinfalt það sem hún var að segja við mig...ég skil ekki ennþá af hverju ég skildi það ekki.

Hún var einfaldlega að segja við mig að við værum í "Sal 8".

Gettó?

Getur einhver vinsamlegast sagt mér hvað er að gerast í Breiðholtinu þessa daganna?

3 rán og ein hópslagsmál/innbrot með vopnum á 2 dögum.

Á maður að búast við einhverju á morgun eða?

Krónubull

Hvað er í gangi eiginlega þegar maður heyrir í fréttunum að krónan er búin að haldast frekar stöðug á síðustu mínútum!

Planet Earth - Sigur Rós

Kaldur húmor....en fyndinn!

Sjá fleiri myndir eftir Mike á heimasíðunni hans

http://seemikedraw.wordpress.com/

Frábær hugmynd

Hafið þið einhverntímann spáð í því hvernig fólk myndi bregðast við ef þú myndir allt í einu byrja syngja í strætó eða kveðja alla á leiðinni út? Sjá hvað gerist ef þú ruglar í fólki á einhvern hátt?

Hér er hópur af fólki sem lætur svona hugmyndir verða af veruleika og taka það meira að segja einu skrefinu lengra. Í myndbandinu hér að neðan eru faldar myndavélar í verslunarmiðstöð og 16 "agents" eru á meðal almennings. Og hvað gera þau?

Það brýst út í söngleik!

Frábært hugmynd í alla staði og yndislegt að sjá hvernig fólk bregst við...eitthvað sem ég hef a.m.k. oft hugsað útí.

Þessi hópur hefur gert ca 70 "mission" út um allt og hægt er að sjá fleira með þeim á síðunni þeirra

http://improveverywhere.com/

Umhverfisblogg?

Ég las einhverntímann ef google myndi breyta bakgrunninum hjá sér frá hvítu yfir í svart eða einhvern dekkri lit þá myndi sparast alveg þvílíkt mikið af orku um allan heim þar sem skjárinn þarf meiri orku til að lita pixel hvítan á móti t.d. svörtum.

Auðvitað er þessi munur alveg ótrúlega lítill en þegar það er reiknað með því að það eru milljónir skjáa um allan heim sem birta heimasíðuna hjá goggle á hverjum degi þá er þetta mun meira en maður bjóst við.

Svo auðvitað þegar orka er spöruð þá er líka sparað útblástur af CO2 í loftið...því jú að orkuverin í flestum löndum senda frá sér CO2 í orkuframleiðsu.

Annað sem ég las í vikunni var að ef póstberar í Danmörku myndu hætta skilja blöðin eftir í lúgunni þá myndi það spara þvílíkt mikið af varma = orku = CO2.

Einhver snillingur reiknaði út hvað það tapaðist mikill varmi ef dagblað heldur venjulegri póstlúgu opinni við einhverjar staðalaðstæður um vetur eða haust í Danmörku og komst að því að þessi sparnaður myndi vera ótrúlega mikill s.s. varminn sem sleppur út um lúguna væri bara helvíti mikill þegar litið er á heildarmyndina.

Ég man ekki fleiri dæmi í augnablikinu...hljómar fyndið svona dæmi en þetta lætur mann sjá hlutina í öðru ljósi.

Dæmigert kvöldið fyrir próf

Próf á morgun og ég sit núna sveittur að troða síðustu fróðleiksmolunum inn í hausinn á mér.

Og hvað haldið þið að gerist? Nágranni minn ákveður að byrja bora í veggina hjá sér klukkan níu að kvöldi. Og einmitt sá veggur sem lendir að mestu fyrir bornum er nákvæmlega sami veggur og ég sit við, ég er að bíða eftir að sjá borinn koma í gegnum vegginn og nágranna minn síðan kíkja í gegnum gatið og heilsa mér.

Og það er ekki eins og hann geti bara drifið þetta af á 10 min eða svo. Nei nei, hann er búinn að bora svona pínulítið á 5 min fresti í næstum 40 min núna og er ennþá að. Alltaf þegar hann er búinn þá vona ég að þetta sé búið og þegar maður er byrjaður að trúa því þá byrjar hann aftur.

Hann veit greinilega ekki að hann er að brjóta eina af grundvallarreglum lífsins....að trufla háskólanema kvöldið fyrir próf, það endar aldrei vel!

Enda eru háskólanemar óútreiknanlegir í stresskasti kvöldið fyrir próf...don´t mess with them.

Spurning

Læknirinn sem ég minntist á um daginn (sá sem var í leðurbuxum í fyrirlestri) var kona...er það betra eða verra?

Sófi til sölu

Já litli sófinn er til sölu...spread the word!

The Mom´s Overture

The Drugs Song

Athyglisvert

Í fyrradag var ég í fyrirlestri hjá lækni í leðurbuxum.

Athyglisvert...

Fysiologi búin!

Já fysiologi er staðinn...þetta er sko besti fjarki sem ég hef nokkurn tímann fengið :)

Endurvakning

Þetta próftímabil búið í bili og nú tekur hin langa bið eftir niðurstöðum.

Annað hvort nær maður prófinu og heldur áfram á næstu önn eða fer beint að læra fyrir endurtektarpróf sem svo skemmtilega á sama tíma og næsta önn er í fullum gangi. Þannig ef það verður farið út í hart þá byrja ég í hörkupróflestri aftur um miðjan janúar, klára endurtektarpróf og byrja á milljón að vinna upp vinnutapið sem maður er þá búinn að missa af því að þá er frekar stutt í næsta próf. Og það besta er að maður veit aldrei hvort maður er búinn að ná endurtektarprófinu eða ekki, þannig að öll þessi vinna gæti verið til einskins.

Alltaf gaman að sjá svona skemmtilegt stjórnunarskipulag sem ekkert vit er í.

En nú er ég að vinna í því að koma aftur til siðmenningarinnar. Eða með orðum:

• Vita hvaða dagur er í dag...ekki lifa samkvæmt niðurtalningu.
• Fara sofa fyrir kl 6 að morgni og reyna vakna fyrir hádegi.
• Borða reglulega og hollan mat...ekki henda einhverju rusli í sig þegar maður nennir.
• Fara út
• Fylgjast aftur með fréttum.
• Hreyfa sig.
• Lesa eitthvað skemmtilegt.
• Tala við vini sína og fjölskyldu.
• Drekka kaffi í hófi.
  
• ...Eitthvað margt fleira.
  

Flest er að ganga samkvæmt áætlun.

Annars þykir mér það leitt að ekki geta hitt neinn um jólin, ég var fastur í kjallaranum að læra eða horfa á sjónvarpið til að róa taugarnar.

Hilsen í bili.